Робот стилиэр бүжиглэдэг Японы бүжигчин Кениши Эбина Americas Got Talent 2013 телевизийн шоуны үзэгчид болон шүүгчдийг уулга алдуулсан байна. Тэрбээр "Матрикс” киноны тусгай эффектүүдийн хэв маягтай бүжиг хийсэн аж. Бүжгээ хийж эхлүүлээд л тэр танхимд байгсдыг уулга алдуулжээ. Мань хүн толгойгоо биеэсээ салган гар дээрээ "бөмбөрүүлсэн” байна. Уян налархай хөдөлгөөнөөрөө Токио хотын оршин суугч 38 настай залуу алдартнуудаас бүрдсэн бүх шүүгчдийг алмайруулсан аж.

Холливудын жүжигчин Хайди Клум өмнө нь ийм зүйл үзэж байгаагүй гэдгээ өгүүлэв. Дуучин Мэл Би үзсэн зүйлээ "Солиотой зүйл” хэмээгээд дэндүү үнэмшилтэй байсныг онцолжээ. Телевизийн нэрт хөтлөгч, хошин шогийн мастер Ховард Стерн түүний ямар ч асуудалгүйгээр хийж байгаа зүйлийг олон хүн дөнгөж хийхийг оролддог гэдгийг ярив. Канадын хошин шогийн жүжигчин Хоуи Мэндел япон залуугийн бүжгийг уг шоуны шилдэг бүжиг хэмээн мэдэгджээ. - See more at: http://www.wikimon.mn/content/48180.shtml#sthash.47mOZTGJ.dpuf