Chrysler-ын маркетингийн хэлтсийн дэд даргаар ажиллаж байсан Жефф Беллийн хэлснээр бол, энэ компанийн үйлдвэрлэж буй тээврийн хэрэгслийн гол үнэ цэнийг бүрдүүлэгч цөм нь "сэтгэл дэвэргэсэн, яруу төгөлдөр байдал” ажээ.
   
1920-иод оноос үйлдвэрлэгдэж эхэлсэн Chrysler машин нь "Америк дахь жааз хөгжмийн эрин үетэй” холбогдсон ямар нэгэн зүйлийг өөртөө агуулж байдаг. Энэ бүхэн хуучин цагийн дотно сайхан америк хүмүүс, Скотт Фитцжеральд, Бонни, Клайд, Кларк Гэйбл, шилийн сайн эрс, тэдний найз охид, хөвгүүдийн дүр төрхийг санагдуулдаг.
    
Хүмүүс Chrysler-ыг харахаараа "гоёмсог”, "бодолд оруулсан”, "тансаг”, тэр байтугай "мөрөөдлийн” гэх мэт чимэг үгсээр ямагт үнэлж цэгнэдэг юм. Загварууддаа зориулан шинэ шинэ тодорхойлолт, чиглэлийг байнга эрэлхийлж байдаг автомашины өөр ямар нэг компани байдаг болов уу? PT Cruiser-аас авхуулаад спорт загварын Chrysler Crossfire хүртэл Chrysler-ын загвар болгон нь анхдагч DNA загвараа хадгалахын сацуу сонгодог дизайн бүхий орчин үеийн технологийг хослуулсан байдаг билээ. Нэгдсэн вэб хуудсанд Chrysler-ын тухай өгүүлэхдээ, "Chrysler-ын өнгөрсөн үе нь тус компанийн шинэ бүтээгдэхүүн бүрт тусгалаа олж буй ирээдүйтэй нь нягт холбоотой байдаг” гэжээ.

     • Сэтгэл хөдлөл. Хайрлах сэтгэл гэдэг бол өөрөө уг брэндийг хэрэглэгчтэй нь нэгтгэн нэгэн цул болгож буй сэтгэл хөдлөл юм.
     • Технологи. Chrysler  үйлчлүүлэгчээ татахын тулд хамгийн сонин содон технологийг соргогоор авч ашигладаг. Энэхүү загварын машинууд нь Мерседес-Бенз-ийн мотортой бөгөөд эх бие нь үнэнхүү сонгодог хэв загвартай харагддаг.
     • Chrysler-ыг танил дотно байдал. Хуучны хэв маяг бүхий америк автомашины ер бусын харваас илт хэлбэр нь аяндаа үл давтагдах шинжийг агуулдаг учраас олон улсын зах зээл дээр нэрд гарахад нь энэ брэндэд саад учруулах бус харин ч тус дэм болдог ажээ. Эдүгээ Chrysler брэнд европын зах зээл дээр баттай байр суурь эзэлж байгаа бөгөөд тэнд жилд 100 000 гаруй автомашин борлуулж байна.

Вэб хуудас: www.chrysler.com
Байгуулагдсан он: 1924
Үйлдвэрлэгч орон: Канад
Компанийн худалдаа-эдийн засгийн үйл ажиллагаа:
1. Дэлхийн Хоёрдугаар дайны үед Chrysler батлан хамгаалах чиглэлийн томоохон үйлдвэрийн хувьд 25000 танк үйлдвэрлэжээ.
2. PT Cruiser автомашин нь тухайн загварын тээврийн хэрэгслийн үйлдвэрлэлд онцгой ач холбогдолтой хэмээн Chrysler үздэг.
3. 2002 оны долоодугаар сараас Chrysler-ын бүх автомашин шинэ баталгаат хугацаатай болсон юм. Энэхүү баталгаат хугацаа нь 7 жилийн дотор хүчинтэй байх бөгөөд энэ хугацаанд уг машин 70 000 бээр зам туулна гэсэн үг. Түүнчлэн энэ брэндийн автомашин өөр эзэмшигчийн гарт шилжвэл дээрхи баталгаат хугацааг сэргээж болох ажээ.