Б.Батчулуун-"Нандин шүтээн"

"Камертон 2” шоуны хоёрдугаар шат олон онцлог, гэнэтийн бэлгээ үзэгчиддээ задласаар байгаа билээ. Түүний нэг нь оролцогчдийн дуулж байгаа дуунуудыг анх амьдруулж, олны хүртээл болгосон уран бүтээлчид зочин шүүгчээр уригдан шүүж байгаа явдал. Тэдгээр гайхалтай уран бүтээлчдийн нэг болох "Никитон” хамтлагийн дуучин, ая зохиогч, төгөлдөр хуурч Б.Батчулуун нэвтрүүлгийн өчигдрийн дугаарт зочин шүүгчээр уригдан ирсэн бөгөөд нэвтрүүлгийн төгсгөлд алс холын Америкаас ирснийхээ дараа зохисон "Нандин шүтээн” хэмээх гайхалтай уран бүтээлээ "Камертон 2”-ын тайзнаа дуулсан нь нийт оролцогч болон үзэгчдэд гэнэтийн бэлэг боллоо.